2009年10月9日

今日同姨媽大舅父食完飯之後
就陪媽媽行街

食飯之前我地行左去救世軍捐野先
終於都扔左星河X月走=_,=
之後行到去中華書局的時候
有班鬼佬行過黎問路
旺角地鐵站...far far away喎=口=(我真係咁答)
高夫人用非常流利的英文回答佢地
好啦鬼佬果然係勁...行去xdd(俾我一早走去坐巴士...)

感謝高夫人願意肯去女人街行街;口;
其實係因為我想走去間wig鋪換色xd
最後最接近的色都係我地買左個隻...女神;口;

哎呀,冇買到"頂"同"妖"的T-shirt添XDD
之後行左去有間影碟鋪
高夫人要買閱兵DVD
間鋪頭擺野有問題呀!!!
邊有人將兒童動畫類放去AV片對面架xdd(一轉身就見到囉xd)

然後陪高夫人去花園街
師奶的本能蘇醒(?)
見到有一個示範我同高夫人由頭睇到尾
"劍麻"呢樣廚房清潔用品好神呀!!!!
個示範員倒左成匙油落個碟度已經油到阿媽都唔記得
根住佢開d水用個劍麻抹一抹(冇落洗潔精!!!)
d油係冇晒囉!!!
神到我同高夫人睇到呆晒!!!
天呀!仲要$10一個,$20兩個送一個
高夫人即刻去買兩個XDD
當高大人買緊的時候,個示範員指住我講
"妹仔,你返帶飯盒食完野都可以用呢樣野洗個飯盒架"
啊哈哈哈哈哈哈哈哈哈哈哈哈哈哈哈
佢以為我係中學生呀XDDDDD(?)(此人當時聽到後個心開心到你...)

於是返到屋企我同高夫人就測試個野係咪真係神到你咁
測試完後...
阿媽我愛上呢舊野,神到你high high!!!

夜晚幫家姐整魅嵩件衫
深夜搞自己件衫[反白眼]
明天夜晚搞兩個人個頭xddd